SpèlChèk ta un kontrografia di papiamentu ku ta funshoná ku Microsoft® Office. E kontrografia, na e momento akí, ta disponibel pa Windows® (PC). E tin komo punto di salida "Lista di palabra, Papiamentu, Buki di oro".

SpèlChèk pa Papiamentu ta optenibel pa Microsoft® Office 2016/2019/2021/365 (SpèlChèk 2.6) pa PC. SpèlChèk 2.6 no ta funshoná ku vershonnan di Office 32 bits bou di vershonnan 64 bits di Windows. Despues ku instal'é, por kontrolá eror ortográfiko den teksto na papiamentu ku ta den Word, Powerpoint® i Excel®.

Por kumpra SpèlChèk via e wèpsait akí.

Pa kumpra SpèlChèk ‘online’ i bah'é, klek riba "Bestèl awor". E or'ei ta pidi bo habri un kuenta riba e wèpsait. Bo ta haña ademas un mail pa konfirmá bo e-mail adrès. Si bo no risibí e mail akí, wak den bo folder di spam, pasobra sierto felternan di spam por konsiderá e mail akí inhustamente komo spam. Despues bo por indiká e kantidat ku bo ta deseá i paga pa SpèlChèk ku bo tarheta di krédito/débito (Mastercard).

Despues baha e fail di instalashon. Bo ta haña un lisensia ku un kódigo personal, ku bo mester usa pa instalá e aplikashon e kantidat di biaha ku bo a skohe i paga p’é.
Si bo ke kontrolá ortografia riba un PC, skohe "Papiamentu" for di e lista di idiomanan disponibel.

E vershon akí ta traha solamente riba kòmpiuternan ‘stand-alone’. Pa e preis di un lisensia di empresa por fabor tuma kontakto ku Instituto Nashonal di Idioma Curaçao (INIC) na 869-1166.

Pa mas informashon tuma kontakto ku INIC, Schottegatweg Oost 10, Bon Bini Business Center, Bldg. 1, Units 1.4 – 1.7. Curaçao, tel. +5999 869-1166, e-mail spelchekpapiamentu@ntic.cw, òf konsultá nos wèpsait https://nticuracao.org.